فردوس الشياطين 33_34

إنتي و خطيبك الفرفور ده . عارف كمان إنها قصة فاشلة و مش منطقية و إني ممكن أطلع مريض في النهاية لكن مع ذلك مكمل .. و أردف بتصميم 
عمري ما هبطل أحبك يا ميرا . إنتي خلاص بقيتي بتاعتي . مصيري بقي مصيرك . لو عيشنا هنعيش سوا لو متنا بردو سوا
ميرا و هي تهز رأسها للجانبين 
لأ . This is incredible . أنا مش مصدقاك .. إنت أكيد بتضحك عليا زي كل مرة . بليز قولي إنك بتهزر
سامح و هو يكز علي أسنانه بحنق 
مابهزرش . إنتي بقيتي ملكي خلاص فاهمة محدش هياخدك مني . فين ما أروح هتبقي معايا و قريب أوي هاخدك و نختفي عن كل إللي نعرفهم
صعقټ ميرا من كلماته و تأكدت أنه لا يمزح إطلاقا و أن كل ما تعيشه الآن حقيقة مئة بالمئة أخذت تدفعه بقبضتيها و هي تصرخ 
أنا مش هاروح معاك في أي مكان . رجعني لدآاادي. . رجعني يا سامح دادي لو عرف مش هايسيبك عايش . رجعني و أنا مستعدة أسامحك و مش هقوله إنك عملت كده I Promise
سامح بضحكة تهكمية 
أرجعك ! إنتي عارفة أنا عملت إيه عشان أقدر أجيبك هنا إستحالة يا قمر . بعد ما بقيتي في إيدي مش هتضيعي
ميرا و قد خذلتها دموعها لأول مرة منذ جاءت إلي هذا المكان 
إنت ليه بتعمل كده بليز يا سامح أنا عايزة أروح لدادي . سيبني أمشي بليز I peg you . أنا مش هينفع أبعد عنه بلييز ماتعملش معانا كده . و أنا مستعدة أعملك كل إللي إنت عايزه و مش هنطق بكلمة واحدة دادي مش هيعرف أي حاجة عن إللي حصل ده
ظهرت في عينه لمعة الإنتصار للحظة و شعر أن هدفه دنا أخيرا و بدون جهد كبير كما توقع فقال بصوت هادئ 
بجد يا ميرا يعني لو طلبت منك أي حاجة هتعمليها و مش هترفضيلي طلب !
أومأت رأسها بلهفة 
أي حاجة . بس ترجعني لدادي بليييييييز
تنهد سامح و قال متظاهرا بالتنازل 
أوك . أنا هثق فيكي و هنعمل Deal . بس عشان أضمن إنك ماتتكلميش خالص هاخد منك حاجة الأول
ميرا بدون تفكير 
عايز إيه خد إللي إنت عايزه بس رجعني لدادي إنهاردة
نظر سامح لها و قال بترو 
هرجعك إنهاردة . بس نتفق
ميرا قول يا سامح هعملك كل إنت عايزه
سامح و هو يداعب خصلات شعرها بأصابعه 
أولا تنسي حاجة إسمها يوسف . عايزك تكرهيه علي أد ما تقدري من دلوقتي حالا . عشان لما تروحي لبابا هتقوليله علي حاجة مهمة جدا
أغمضت ميرا عيناها شاعرة بإنقباضة قلبها الأليمة و قالت بصوت مبحوح 
عايزني أقوله إيه 
سامح هتقوليله إن