فردوس الشياطين 41_42
إنهاردة هو رغبتي في جواز بنتي من إبنك
و هنا توقف عز الدين عن شرب القهوة و قد جحظت عيناه و هو يسعل بحدة إنتظر سفيان بهدوئه المعتاد حتي عاد الأخير كما السابق لكنه لم يكن هكذا تماما
حدق عز الدين فيه و هو يقول بعدم تصديق
معلش يا سفيان عيد إللي قولته تاني !
تنهد سفيان و كرر بفتور
قلت عايز إبنك لبنتي يا باشا . أنا سألت و عرفت أنه مش مرتبط و كمان في أخر سنة في الجامعة يعني ممكن الجواز يتم في أي وقت عادي . ها . موافق
عز الدين بشئ من الإرتباك
يا راجل و مين في مصر يرفض نسبك هو أنا أطول بس مش بنتك مخطوبة ده إنت كنت عازمني علي خطوبتها من فترة !
سفيان بلهجة جامدة
سابت خطيبها . و دلوقتي أنا بعرض عليك .. موافق تاخدها لإبنك
عز الدين بجدية موافق طبعا .. و تابع مضيقا عيناه
بس أحب أفهم . في حاجة من ورا رغبتك دي !
مط سفيان شفتاه و قال
بصراحة في . بس ماتشغلش بالك دي أمور تخصني لوحدي و بنتي برا المواضيع كلها . كل إللي أنا عايزه بس إنها تبقي في قفا راجل لأني مش ضامن إيه إللي ممكن يحصل الفترة الجاية و إنت عارف إنها مالهاش غيري لا عم و لا خال يعني في لحظة ممكن تبقي بطولها و هي لسا حتة بت ماكملتش 18 سنة
عز الدين بريية يا سفيان لو في حاجة . لو عندك مشكلة قولي .. ممكن أساعدك !
سفيان بإبتسامة ماتقلقش عليا يا باشا . أنا بعرف أسلك نفسي كويس . بس بردو بنتي عندي في المقام الأول و أحب أكون مطمن عليها .. و أكمل بخبث ملوحا له بالإغراءات
أومال . دي وريثتي الوحيدة و أنا كاتبلها كل ما أملك علي حياة عيني .. ماعنديش أغلي من ميرا معاليك دي حياتي كلها
إطمن يا سفيان .. قالها عز الدين بثقة و لمعة جشع تشع في عيناه
بنتك في عنيا من غير أي حاجة و الله
سفيان بإبتسامة باهتة
ده العشم !
Back ...
ميرا پصدمة بس إزاي هتجوز واحد عمري ما شوفته و ليه إنت عملت كل ده
نظر سفيان لها محتفظا بغموضه فهو لم يحكي لها الأمور تفصيليا قال بحزم
هزت رأسها و هي تقول بحيرة
طيب فهمني بليز . ليه
سفيان ببرود منغير ليه . إنتي تسمعي كلامي من سكات أنا مش هضرك . و عموما أنا إشترط عليه حاجات كتير من ضمنهم إن إبنه يسيبك براحتك لحد ما تاخدي عليه و هما حاطين في إعتبارهم إنك لسا صغيرة . إطمني أنا مرتبلك كل حاجة
تنهدت ميرا بيأس و قالت
طيب عقد الجواز ده مظبوط و لا إيه
سفيان طبعا مظبوط . ده علي إيد مأذون و إتنين شهود كمان . مش فاضل غير إمضتك .. ثم ناولها قلم و قال آمرا
وقعي يلا
نظرت له بتردد لكنها أخذت القلم بالنهاية و خطت إمضتها علي الورقة بتمهل ..
تمام ! .. تمتم سفيان و هو يسحب الورقة من تحت يدها
جمع بضعة أوراق أخري في ملف و أعطاه لأبنته مستطردا
الورق ده نسخ لأصول أنا حطتهم في خزنة البنك . تخليه معاكي هو و قسيمة جوازك . و في الوقت المناسب تطلعيه
إبتلعت ريقها بصعوبة و قالت بتوجس
إنت بتعمل
