اسكريبت بقلم هاجر القاضي

مدارية على راسي واتكلمت بحسرة وعياط
_ساعتها مسك دماغي وخباطها في الحيطة ولحد دلوقتي معلمة وهددني تاني وقالي أني لو وافقت مش هشوفه تاني ليه جاي يرجع من تاني ليه .... وبعدين بتلموني عشان مش عارفة أثق فيكوا ومخوناكوا دايما طب اعملها ازاي واللي المفروض يكون مصدر آمن ليا كنت بهرب منه! 

_خلاص يا هاجر خلاص كفاية عشان خاطري 
_أنا خاېفة يازين خاېفة تكون زيه... خاېفة تستغل اللي حكتهولك ڠصب عني مش عارفة آمنلك ڠصب عني والله 
مردش فضل ساكت وبيطبط عليا وبس وبعدين بدأ يقرألي قرآن 
قومت الصبح لقيته نايم جمبي والمصحف في أيده سيبته وخرجت من الأوضة وبدأت احضر فطاره
_صباح الخير 
رديت عليه بحدة 
_فطارك في المطبخ 
_مالك في حاجة 
_لأ أنا كويسة بس مش معنى أني حكتلك أمبارح دماغك تسرح لبعيد اعتبر أنها كانت لحظة ضعف هي فعلا لحظة ضعف أنا مكنتش حاسة بنفسي
_خلصتي اعملي حسابك هنروح مشوار بليل
_مش عايزة اروح في حتة 
_وأنا مش باخد رأيك.
قال كدا ودخل المطبخ وأنا دخلت الأوضة وخرجت بعد ما سمعت صوت باب الشقة كنت مكسوفة منه أوي أكيد هيقول عليا دي واحدة غلبانة ومکسورة وأنا مش عايزة كدا مش عايزة حد يشوف ضعفي
مسكت الفون لقيته باعتلي على الواتس
_ لو مامتك ليها مكانة عندك لحد دلوقتي استنيني تحت البيت الساعة ٦ صدقيني ده هيفرق معانا كلنا 
عملت زي ما قال ونزلتله في المعاد لقيته تحت ركبت العربية معاه وفضلنا طول الطريق ساكتين لحد ما ركن العرببة ونزل فنزلت بصيت على المكان اللي أحنا فيه لقيتها عيادة للأمراض النفسية
_للدرجة دي صعبت عليك 
_أنت مصعبتيش عليا أنا عايزك تبقى أحسن مش أكتر 
_ليه كل ده 
_محدش بيحب أن الإنسان اللي بيحبه يكون حزين
_بس أنا خاېفة 
مسك أيدي 
_تخافي ليه وأنا هنا 
كان قاعد حاطط أيده على خده وأبتسامة مرسومة على وشه ولا أكنه بيتفرج على مسرحية أو فيلم 
_في حاجة يا زين
_ لأ مفيش بس بيقولك مرة واحد بيحب واحدة مش بتحبه 
_بيقولك مرة واحدة هتتنفخ في الامتحان ومش عارفة تلم المادة 
_أقوم أعملك نسكافية طيب 
_يبقى كتر ألف خيرك بجد
الحياة بقت أهدى مما اتخيل أجمل مما كنت أتمنى وأحسن مما اتصور بدأت اتعالج وماشية كويس لأني راحة وأنا عارفة المړض وأسبابه بس الشهر يومين ويخلص وممكن كل ده يتبخر  
_عمي نزل يا هاجر
_اعمل إيه 
_مش هتقابليه ده ممهما كان باباكي
_متقولش بس باباكي
_عيب كدا يا هاجر 
_هو إيه اللي عيب ده أنت المفروض أكتر واحد فاهم كل حاجة
_طب هتقابليه بردو يا هاجر ڠصب عنك
اتكلمت بصوت عالي 
_قولتلك لأ يا زين 
_وطي صوتك 
_مش موطية زفت وبعدين أنت ...أنت إيه يا أخي معندكش من الأحمر زينا
شاور على نفسه بأستنكار 
_أنا بردو! أمال أنت تبقى إيه بقى ريبوت! 
فوقت من ذكرياتي لقيت زين واقف قدام باب الأوضة
_زين أنا ...
لقيت صوته بيقاطعني أكتر صوت بكرهه في الدنيا دي
_هاجر عاملة إيه يا حبيبة بابا 
كان بيكلم وهو بيحاول يمثل الطيبة علشان زين بس نظراته كلها خبث وشړ نظرات محدش يقدر يفهمها غيري 
_بقيت مش بخير أول ما شوفتك 
كان لسة هيقرب مني عشان يض. ربني لقيت زين وقف قصاده 
_في إيه يا عمي أنت هت ض ربها 
_وأكسرها كمان 
الحالة بدأت تجيلي حالة الرعشة اللي بتجيلي كل مرة لما بيعمل معايا كدا بدأت أعيطت بهسترية ووقعت على الأرض كانت رجلي مش شيلاني مكنتش حاسة بيها نفسي بدأ يزيد وجسمي بقى عبارة عن ماية وزين بيحاول يهدي فيا وأنا مش حاسة بحاجة حواليا مش شايفة قدامي غير