فردوس الشياطين 46 الاخير الجزء الثاني

سطعت إبتسامته الجذلي و هو يقول بمكر 
مش كنت تقولي أنك داخل في مشروع التعمير الجديد يا سامح كنت شاركتك و كبرنا المصلحة !
تصرخ وفاء في هذه اللحظة و قد نفذ صبرها 
أنا مش فاهمة حآااجة ! حد فيكوا يفهمني إيه إللي بيحصل 
إنت عايز إيه دلوقتي يا سفيان .. هكذا خرج سؤال سامح بمنتهي الهدوء و البساطة
رد سفيان بلهجة مزدرية 
مش عايز حاجة . إنت فاكرني هتهور يعني و يركبني ستين عفريت و أمسك فيك و أنزل ضړب لا إطلاقا .. أنا جاي أصفي حسابات زي ما قولتلك ... ثم مد يده في جيب  إلي نصفين 
كده أنا ماليش ديون عندك . فاضل بس دين بنتي
هذه المرة مد يده خلف ظهره و أستل من حزامه سلاح ڼاري حديث الطراز رفعه عاليا و هو يقول بإبتسامة وديعة 
هنلعب لعبة حلوة أوي يا سامح . المسډس ده في 5 طلقات . طلقة ليك . و طلقة ليا . و في فراغ وسطهم . واحد فينا هياخد 3 طلقات لوحده . بس يستحسن ماتغشش . لأن الباب ده .. و أشار نحو باب الغرفة 
متثبت بلغم . لو عملت فيها ذكي المرة دي كمان و نشنت علي راسي مثلا مش هتلحق تخرج سليم .. أنا طبعا رتبت كل حاجة . چريمة متقفلة و مافيش إثبتات . ببساطة لأن إحنا التلاتة كده مع بعض هنختفي من علي وش الدنيا بعد ربع ساعة بالظبط
و قبل أن يبدأ لعبته أخرج هاتفهه و تكلم مباشرة 
دلوقتي يا دياب . و مع السلامة إنت بقي . مكانك مع ميرا بردو مش هيتغير . خلي بالك منها .. و أقفل الخط
إنتبه لنشيج أخته المتصاعد بحرارة فنظر نحوها متسائلا بسخرية 
جري إيه يا وفاء لأ إجمدي كده يا حبيبتي ده لسا التقيل ورا . تيجي ڼار الدنيا في حفلة الشواء إللي هنحضرها كمان شوية .. و إنفجر ضاحكا و هو يكمل 
مش تشكريني علي الأقل طيب أني خليتك برا اللعبة بتاعتي أنا و سامح 
لم يكن !!
بس عايزك تعرف حاجة قبل ما نصفي حساباتنا زي ما بتقول يا سفيان !
أفاقت علي صوت سامح متحدثا بتلك العبارة نظرت إليه و تابعته بإهتمام و هو يقول بنبرة إتسمت بالثقة و الصدق 
أنا حبيت ميرا بجد . قول عليا مچنون . كبرت و خرفت أي حاجة ممكن تقولها قولها .. أنا مش ندمان علي إللي عملته . أنا حاربت و فوزت بإللي بحبها حتي لو القدر جه في صفك و إديتها لواحد تاني . أنا بردو إللي كنت أول واحد في حياتها . أنا إللي حفرت ذكري جوايا و جواها عمرها ما هتنساها طول حياتها . و ده كفاية أوي بالنسبة لي و مخليني مستقبل المۏت بالهدوء و الترحيب إللي إنت شايفه ده

كلكوا لعبتوا بيا . كلكوا إفتكرتوا وفاء الركن المايل في حياتكوا . و جايين دلوقتي كل واحد يطعن فيا شوية و فاكرين إني هاسيبكوا 
سفيان و هو يضحك بمرح 
ماتزعليش يا فوفي . يا حبيبتي أنا مايرضنيش زعلك إنتي أختي مهما كان بردو . و بعدين ما أنا هخلصلك عليه أهو . أنا و هو هنخلص علي بعض قدام عنيكي و هتشفي غليلك منغير ما تتعبي إيدك بشيل السلاح
برقت عيناها البنيتان و هي تزمجر بۏحشية 
لااااااااأ .. مش هتلعبوا بيا تاني . مش هكون لعبة في إيديكوا و أسلم بإللي تختاروه .. المرة دي أنا إللي هختار مصيركوا . أنا يا سفيان !
و في لمحة كانت قد قطعت الغرفة ركضا بإتجاه الباب مدت كلتا يداها نحو المقبض .. أمسكت به ثم شدته بكل ما أوتيت من قوة
ليسمع بعد ذلك صوت الإڼفجار المصم و يتردد صداه مع تحرير آلسنة اللهب التي إبتلعت البيت