قضية طلاق

بكرا ټندم 
بكرا نشوف مين اللى هيندم ... انا هقوم اشوف المدير التنفيذي عاوزنى ف ايه سلاام 
يارب هعمل ايه دلوقت ! البت دى غلبانه ومش قد أحمد دا ... طب وانا مالى هعمل ايه برضو ... ياعم لا بنات الناس حرام يتعمل فيها كدا برضو دا انت مراتك حامل وبكرا يبقي عندك بنت ! بس لاقيتها ! انا ابعتلها من رقم مراتى وارسيها عالحوار وابقي مش فالصوره برضو
في البيت عند نيره 
محمد حقك عليا يا بنتى انا اسف 
نيرة عادى يا بابا حصل ايه يا عنى 
محمد يا بنتى انا ندمت والله صدقينى وجاى معاكى المحكمه نحضر الجلسه كمان اسبوعين ومستعد اقوملك احسن محامى 
نيرة مفيش مشكله يا بابا مش مستاهله محامى انا
وهى قاعده جالها رساله عالموبايل من رقم مجهول 
جوزك بيرتب يفضحك ف المنطقه وف شغل ابوكى وهيفبرك محادثات بينك وبين راجل غريب على انه عشيقك اللى عاوز تطلقي عشان تكملى معاه !!!
يتبع ....
تسنيم_حسن 
قضية_طلاق_فى_المجتمع_المصري 
تفاعل حلو بقا وهنزلكم واحد كمان بكرا 
الفصل الحادى عشر 
تسنيم_حسن 
قضية_طلاق_فى_المجتمع_المصري 
جوزك بيرتب يفضحك ف المنطقه وف شغل ابوكى وهيفبرك محادثات بينك وبين راجل غريب على انه عشيقك اللى عاوز تطلقي عشان تكملى معاه !!!
موصلتش لكدا لأ ... اكيد الشخص دا بيكدب عليا طيب وأنا اتصرف ازاي دلوقت انا لازم اتاكد منه 
نيرة انت مين وجبت الكلام دا منين 
مجهول مش مهم انا مين المهم اني عرفتك عشان تلحقى تفكرى وتتصرفي 
وايه دليلك 
مجهول انا اعرف كل حاجه بتحصلك مع احمد من ايام خيانته ليكى فشقة اسكندريه وبعدين انتى محتاجه دليل ضد واحد زي دا يعنى متتوقيعهاش منه مثلا 
نيرة طب حتى لو كلامك صح هعمل ايه بيه همنع دا ازاى !! 
مجهول كلمى المحامى بتاعك اللى رفعتى بيه قضية الخلع وهو هيساعدك ... أنا دوري وقف لحد هنا ...
في اي يا نيره وشك اصفر كدا شوفتى ايه عالموبايل 
الحقني يا بابا في حد قالي أن أحمد ....... 
انتى بتقولى ايه !! اټجنن دا ولا ايه 
يلهوى يا بنتى !! هنعمل ايه يا محمد 
مش عارف .. مش عارف انا هتصل بيه دلوقت واحاول اقابله ونخلص الموضوع دا بقا 
اهلا .. ازيك يا حمايا عامل ايه اي عقلت بنتك وراجعه بيتها ولا ايه 
دا بعينك يا حيوان بنتى مش هترجعلك ولو فيها موتى وقريب اوى هتطلقها .. عايز اقابلك النهارده كمان ساعه فالشقه هناك والا ورب العزه ما هتشوف منى خير ابدا يا معډوم الرجوله انت فاهم ولا لا 
براحه بس كدا على نفسك يا حمايا نتقابل وماله بس خليك عارف طلاق مش هطلق 
هنشوف يابن سعديه مين نفسه اطول ساعه وهكون عندك وهعرفك مقامك سلام 
هتعمل ايه يا بابا 
مش عارف هقابله وربك يسترها يا نيره 
يا بنتى ما ترجعيله وخلاص ويمكن ربنا يهديه 
يا ماما انا من ساعه ما اتجوزته وانا ف عڈاب معاه تعبت يت ماما واستحاله ارجعله مره تانيه 
طب اتفاهمى معاه طيب احنا مش عارفين نتصرف يا بنتى ودى ڤضيحه كبيره اوى ليكي
يا ماما أنت....
اسكتى انتي يا نيره ... يا نهله بنتك خلاص معادش ينفع ترجعله واللي يحصل يحصل وربنا معانا شاهد ومطلع على كل حاجه 
ربنا يستر
يارب ... انا نازل   
الو ... ازيك يا عادل 
محمد عامل ايه يا حبيبى كنت لسه هتصل بيك اهو طمني وصلت لأيه
انا كويس الحمد لله ... كنت عاوزك معايا كدا ف مشوار ضرورى لو فاضي 
افضالك يا خويا ... بس قولي وطمني في ايه 
لما هشوفك هحكيلك كل حاجه .
يا منى أفهمينى أنا لو كنت مطاوعه فاللي بيعمله دا مكنتش جيت حكيتلك ولا قولتلك نساعد الست دى 
منى ياسر لو سمحت اقطع كلام معايا ... انا لولا ان والدى مسافر كنت سبتلك البيت ... الكارثه انك مش شايف نفسك غلطان ! 
يعنى ايه كنت مطاوعه فالاول باعتبار انه بس عايز يحس برجولته ! فيذل الست اللي معاه وېهينها ويعاملها زى الخدامه حسب مزاجه مش كدا لما الموضوع وصل للشرف افتكرت فجأة انى حامل وكلها كام سهر وتبقي اب لبنوته وخفت يحصلها زي ما وافقت يتعمل ف بنات الناس !! 
الرجوله بالنسبالكم دى فالواقع نقص ولحد ما تعيد تفكيرك الغريب دا تعالى نتفاهم ونتكلم !
اه صحيح الغدا