اسكريبت بقلم ملك وائل مجدي سلسلة مليكة وياسين 21

السندوتشات اللي جابها و هو بيتكلم_بصي معرفش انت بتحبي ايه فجبت سجق و كبدة و بانية كرسبي من كل حاجه اتنين يمكن تحبي كلة ولا حاجه. 
ضحكت _لا مش للدرجاتي هات سجق كده اشوفة بيقول ايه.
اداني و بدانا ناكل في صمت و بعد دقيقه من جملتي الاخيرة لقيت ياسين داخل و وقف قصادنا عيونة عليا بعصبية مش قادره احدد مصدرها او سببها لكنة متعصب_مالك 
_ممكن افهم بتعملي ايه!!!! 
ختم جملتة و هو بيحول عيونه على احمد اللي قال ببساطة_بناكل زي ما انت شايف.
الاه!! الراجل مغلطش علشان ياسين يعلي صوتة و يقول بضيق_قوم يا احمد انت طيب متخلنيش اتغابه عليك قوم و متجيش تاكل مع مليكة او اقولك اي انثى شايله اسم عليتي يالا. 
بصلة احمد بستنكار من كلامة و ياسين شده من كتفة و بيضرب على ضهرة بهزار غشن شد الكياس اللي كانت على المكتب و شد مني السندوتش اللي كنت باكلة و انا قولت بتزمر_ياسين سيب ساندوتشي. 
_بس يا بت
و بص لاحمد اللي كان مش فاهم ايه اللي بيحصل لكنة هز كتفه بلامه بلاه و اخد الشنطة و مشي و انا رفعت حاجبي الاه!! ده مشي من غير كلمة!! ولله ما بفهم دماغه. 
صړخت بخضه اول ما ياسين لف و خبط على مكتبي_اغوذ بالله. 
ضحك بسخرية _ايه شوفتي عفريت. 
_بصتلة بسخرية _لا شوفت دخان بس ازاي تعمل مع الراجل كده!!! بجد يعني. 
فجأة قرب من المكتب و هو مازال كفوف ايده علية و برق يا مامي ده بيبرق و قال و بعصبية مش فاهمه مصدرها ولله_من امتى و بتاكلي مع حد في المكتب!! 
_ضحكت عليه_ولله عادي
قاطع كلامي و هز بيقول بعدم تصديق_عادي تاكلي مع راجل غريب!!! 
قولت ببساطة_راجل غريب ايه!! ده احمد. 
رفع كفة على بؤه پصدمة مصتنعة و انا كتمت ضحكتي على شكلة_اوه لا... اوه اتصدقي مكنتش اعرف انه احمد
بصتلة بتأييد_علشان تع... 
_ضرخة طلعت مني كتمتها بصعوبة بعد ما هو قرب من وشي بطريقة مخيفة و قال بنبرة مخيفة اكتر و انا رجعت براسي شوية_احمد ده راجل ولا ابن اختك و مش واخد بالي!ردي. 
_راجل ولله راجل كلمتك ما هتنزل الارض أبدا. 
ابتسم بهدوء مخيف و هو بيهز راسة وكمل_و من امتى بتأكلي مع حد غيري!! 
قولت بكل بلهاء_طيب ما انت راجل و باكل معاك بتزعقلي ليه!!! 
قال بتكبر وهو بيقعد قدامي و بيرفع ياقه قميصة و بيحركهم بتسلية_انا ابن عمك ده اولا ثانية متاكليش مع حد تاني غيري مفهوم ثالثا مش هرمي فلوس على الارض و بعد ما خرجت جبت ليا و ليك شاورما.
فتحت عيوني على وسعها و انا بخطڤ منه الكيس_ولله انت سكر سكر
رفع ياقع قميصة بتكبر_عارف هاتي واحد شاورمة معاك. 
ضحكت على طريقة كلامة و بدانا نتشارك الاكل و نتكلم في اي شئ تافهه كالعادة يعني.
و اخيرا اليوم خلص و انا راكبة العربية معاه مروحين البيت لقيتة قال بضيق_مليكة دخلي ايدك جوة يا حبيبتي حد يخبطك.
مكنتش وقتها مستوعبة شئ قد ما انا بضحك بصوت عالى و انا شايفة المطر بينزل على ايديو قولت بطفولة_لا انت قولتلي اركبي علشان ماخدش برد سبني استمتع بالمطر على ايدي.... شوف شوف هتمطر بقوة اكتر.
ضحكت بقوة و انا بخرح ايدي الاثنان من الشباك و بصتلة للحظة من وسط اندماجي لقيتة بصلي في نفس اللحظة و قال ببتسامة بعشقها منه و نبرة صوت غريبة عليا منه_تعرفي ان ضحكتك حلوة اوي.
انكمشت على نفسي و انا بدخل ايدي من الشباك و بلعت ريقي و هو بص قدامه و بياخد نفس بصوت عالى و انا بصيت من الشباك بحاول اوقف قلبي اللي انا حاسه انه هيسمع دقاتة بجد لكن بعد لحظة غمض عيوني و انا بحاول اتجاهل كل المشاعر لان عارفة انة مش قاصد مع ان حسيت ان المرادي مختلفة لكن... لكن مش عايزة اوجع قلبي اكتر.
_ابن خالي بتقدملي يا ياسين. 
لقيتة قال بفرح_مبروك يا ملوك هنفرح بيك يا صغنن. 
بصتلة في عيونة بعمق_انت مبسوط 
_بصلي بستغراب من سؤالي و خصوصا ان دي اول مرة يبص في عيوني و يركز معاهم بالطريقة اللي اجبرته يبص بيها لكني كنت محتاجة اتاكد محتاحة افهم علشان اخد قرار