اسكريبت حكايات منار

غلطانة
بعد كلامه لقيت انى فعلا بقالى سنين عايشة فى دور الضحېة 
حياتى فيها حاجات صعبة بس كمان فيها حاجات حلوة كتير انا اللى كنت مركزة فى الۏحش بس
شروق خلاص يبقى تروحى تقوليله انا فعلا حمارة وغبية حقك عليا انا اسفة
داليا بس ايه ده
محمد كده بيحبك من وانتى ستاشر ولا سبعتاشر سنة
دلال اه هو اتجوز قبل ما أتم التمنتاشر سنة فغالبا بيحبنى من وانا ستاشر سبعتاشر سنة
شروق والبعيدة جبلة
طيب قبل ما يتجوز كنتى صغيرة ومش فاهمة
انما دلوقتى كبرتى اهو محستيش بحبه ليه
دلال كنت فكراه متجوزنى شفقة علشان اربى ابنه واهو احسن ما ياخدنى واحد غريب يا عالم يعاملنى ازاى
شروق لا مش ممكن على الغباء حرام كده والله
الراجل بقاله سنين بيعانى فى حبك وانتى مفكراه متجوزك شفقة
داليا الصراحة يا دلال انتى اوفر
فى ايه ده انتى مش عايشة فى دور الضحېة ده انتى عايشة فى دور العامية 
ايه يا بنتى مش كده
دلال ما كفاية تقطيم عرفت انى غلطت
خلاص هروح اصالحه انا حاسة انى عكيت الدنيا 
شروق جوزك متخانق معاكى وسايبلك البيت وتقولى حاسة انك عكيتى الدنيا
لا يا حبيبتى اتأكدى انتى عكيتى الدنيا بوظتى الدنيا دمرتى الدنيا
روحى صالحى جوزك روحى يا شيخة حسبى الله ونعم الوكيل فى احساسك
فى بيت اهل محمد 
سالى ايه يا دلال يعنى اكلمك امبارح اقولك انه هنا تيجى النهاردة ما كنتى جيتى كمان اسبوع احسن 
دلال هو جوه اوضته 
سالى اه 
دلال خلاص انا هدخله خلى بس كريم معاكى 
وادعيلى اعرف اصالحه
هو مزاجه عامل ايه
سالى زى الزفت مش طايق نفسه
دلال ايه ده المفروض تطمنينى مش تخوفينى
سالى اكدب عليكى واخدعك يعنى
خشى يا اختى خشى مش قد الجواز بتتجوزو ليه
دلال وهى بتخبط محمد...ممكن ادخل...بصى مش عايز هجيله بكرة احسن
سالى خشى يا دلال صالحى جوزك افتحى وخشى بدل ما افتح دماغك خشى من غير ما يقولك اتفضلى يا اختى اعتبرى نفسك زى مراته
خشى بقولك 
دلال خلاص حاضر متزوقيش اشهد ان لا اله الا الله وان محمد رسول الله...محمد...محمد انت صاحى...انت فاتح عينك يعنى اكيد صاحى مش عايز ترد...تاخر طيب علشان انام جنبك...مش هتاخر خلاص هطلع فوقك انام جنبك
محمد انتى بتعملى ايه
دلال وهى بتنام جنبه وبته بنام بقالى يومين مش عارفة انام من غيرك فى البيت فهنام فى ك دلوقتى وهصحى اصالحك جامد جدا
محمد وانتى من امتى وانتى بتنامى فى ى 
دلال من هنا ورايح يا حبيبى سيبنى انام بقى
محمد انتى هتستعبطى يا دلال انتى هتنامى بجد
حقك عليا انا اسفة بعد كده مش هروح خطوبة ولا فرح من غيرك
وهحمد ربنا كل يوم علشان رزقنى بزوج صالح وقمر وبيحبنى زيك 
محمد وايه تانى
هقولك كلام حلو كتيييييير اوى علشان تعرف قد ايه انا مبسوطة فى حياتى معاك
محمد وايه تانى 
دلال لم نفسك يا حبيبى ابوك وامك واختك وكريم بره
محمد حلو نسيبهم بره ونروح احنا شقتنا 
دلال وهى بتتاوب طيب انام ساعتين واصحى نروح شقتنا حاضر انا عينيا ليك
محمد نعم يا اختى
دلال يا محمد ھموت وانام 
محمد ما بقالى يومين سايبك منمتيش فيهم ليه جاية تنامى هنا
دلال معرفتش انام وانت مش جنبى والله
محمد بجد
دلال بجد 
انام ساعتين ونروح شقتنا زى ما انت عايز
محمد قومى نامى فى العربية وكملى نوم فى شقتنا بس خلى بالك هما ساعتين بس وهصحيكى تصالحينى 
دلال من عينيا يا حبيبى اصحى اصالحك واراضيك واعتذرلك زى ما انت عايز 
وانا ليا غيرك يا محمد ربنا ميحرمنيش منك يا حبيبى 
محمد ولا يحرمنى منك يا حبيبتى
جلال الدين الرومى ليه مقولة عظيمة بتقول
عندما تتخطى مرحلة صعبة من حياتك اكمل الحياة كناج وليس كضحېة 
انا معملتش كده انا عيشت سنين كتيرة من عمرى بفكر فى اللى بابا عمله فيا وفى ان ماما ماټت وسابتنى 
ومفكرتش فى ان ربنا عوضنى بعمى ومرات عمى وولاد عمى
ماما ومرات عمى كانو اصحاب من قبل ما يتجوزو وفرحو اوى لما اتجوزو اتنين اخوات 
لما ماما ماټت مرات عمى كأنها حولت كل الحب اللى فى قلبها لماما ليا 
حقيقى بتعاملنى زى منى وسالى واحسن منهم كمان 
محمد بعد ما اڼفجر فيا بكل

اللى فى قلبه
حسيت كأنه بيتكلم عن حياة تانية غير اللى انا كنت عيشاها الحياة اللى بيتكلم عنها دى فيها عوض كبير من ربنا وفيها حاجات حلوة اومال انا مكنتش شايفة غير الۏحش ومش حاسة غير بالصعب وبس ليه
الحمد لله انى فوقت لنفسى قبل ما اخسره 
من بعد اليوم ده وانا بقيت مقدراه ومقدرة كل اللى عمى ومرات عمى عملوه علشانى 
قللت تفكيرى فى الۏحش اللى بابا عمله 
وبقيت بفكر فى الحلو الكتير اللى عمى ومرات عمى وولاد عمى عملوه علشانى
واصحابى وكريم انا ربنا عوضنى بحاجات كتير
الحمد لله بقيت مقدارها وبحمد ربنا عليها من كل قلبى
وجاية علشان اقولك متعملش زيى لما تعدى بحاجة صعبة فى حياتك فوق لنفسك ومتضيعش عمرك وانت بتفكر فى الۏحش اللى حصلك ومش واخد بالك من الحلو اللى ربنا انعم بيه عليك
اعمل زى ما عمك جلال الدين الرومى قال واتصرف كناج وليس كضحېة
حكايات_منار